“જે કોઈ અલ્લાહના કિતાબ માંથી એક હર્ફ પણ તિલાવત કરે, તેને એક નેકી મળે છે, અને તે નેકી દસ ગણી વધારી દેવામાં આવશે.” અર્થ: કુરાનનો હર્ફ તિલાવત કરનાર માટે નેકી અને બરકતનો સ્ત્રોત છે. ઉદાહરણ તરીકે, માત્ર “અલિફ, લામ, મીમ” કહેવા પર પણ અલગ-અલગ નેકી મળે છે. કુરાન ની તિલાવત કરવી એ એક મહાન ઈબાદત છે. 🌟
મેહનત થી તિલાવત કરનાર માટે બે ગણો સવાબ છે
📜 હદીસ (બુખારી 4937 અને મુસ્લિમ): “જે વ્યક્તિ કુરાન સરળતાથી તિલાવત કરે છે અને તેને હિફઝ કરે છે તેની મિસાલ મહાન ફરિશ્તાઓની જેમ છે. અને જે વ્યક્તિ મુશ્કેલી સાથે, તકલીફ ઉઠાવી કુરાન ની તિલાવત કરે છે, (અરબી ઝબાન સિવાયના લોકો જે મખારીજ ની સહી આદયગી માં કોશિશ કરે છે) તેને બે ગણો સવાબ મળશે.” અર્થ: જો કોઈ વ્યક્તિને કુરાન ની તિલાવત માં મુશ્કેલી થાય તો પણ, અલ્લાહ તેના પ્રયત્નોનું ૨ ગણું સવાબ આપશે. મહેનત અને પ્રયત્નને પણ વિશેષ માન્યતા મળે છે. ✨
💖 રૂહાની લાભો
દિલ અને આત્માની શાંતિ 📖 સુરહ અર-રઅદ (13:28): “નિશ્ચયે, અલ્લાહના ઝિક્ર માં જ દિલ શાંતિ પામે છે.” અર્થ: કુરાનનું તિલાવત અને અલ્લાહનું ઝિક્ર દિલ ને શાંતિ અને આરામ આપે છે. જે અલ્લાહ ને યાદ કરે છે, તેનું દિલ શાંતિ અનુભવે છે. 🙏
દિલ અને શરીર માટે શિફા 📖 સુરહ અલ-ઇસરા (17:82): “અમે કુરાનને ઈમાનવાળાઓ માટે શિફા અને રહમત તરીકે ઉતાર્યું છે.” અર્થ: કુરાન માત્ર આધ્યાત્મિક જ્ઞાન પૂરતું નથી; તે માનસિક અને શારીરિક સ્વાસ્થ્ય માટે પણ ઉપચારરૂપ છે. દુઃખ, બીમારી અથવા મુશ્કેલીઓના સમયે કુરાન એક રૂહાની દવા તરીકે કાર્ય કરે છે. 🌿
😇 ચિંતાઓ અને દુઃખમાંથી મુક્તિ 📜 હદીસ (તિરમીઝિ 3503): “જે કોઈ દુઃખગ્રસ્ત હોય, તેને દુઆ કરવી જોઈએ: ‘હે અલ્લાહ! કુરાનને મારા હૃદયનો પ્રકાશ અને મારી ચિંતાઓ અને દુઃખ માટે આરામ બનાવ.’” અર્થ: કુરાન માત્ર વાંચવાનો ગ્રંથ નથી; તે વ્યક્તિના હૃદયને શાંતિ, શક્તિ અને આશા આપે છે, જે ચિંતાઓ અને દુઃખમાંથી મુક્તિ લાવે છે. 💫
